Бэлдмэл нь оюуны болон биеийн хүчний ажиллах чадварыг сайжруулах, гадаад орчны янз бүрийн нөлөөнд бие махбодын дасан зохицох чадварыг дээшлүүлэх, хордлого тайлах, үрэвсэл намдаах, бодисын солилцоог зохицуулах үйлдэлтэй. Мөн араг ясны болон зүрхний булчингийн ажиллах чадварыг дээшлүүлэх, Бие махбодын тамир тэнхээ сайжруулах, төв мэдрэлийн тогтолцооны сэрэл саатлын процессыг тэнцвэржүүлэн тайвшруулах, цусан дахь кальцийн хэмжээг ихэсгэж, ясны нөхөн төлжилтийг сайжруулж, бороололтыг хурдасгах үйлдэлтэй. Бие махбодын тамир тэнхээ доройтох, төв мэдрэлийн тогтолцооны үйл ажиллагааны хямрал, мэдрэлийн ядаргаа, ажиллах чадвар буурах зэрэгт хэрэглэнэ.
Нэг флакон нь алтан гагнуурын үндэс, үндэслэг ишийг 40%-ийн спиртээр 1:1 харьцаатайгаар хандалсан хандыг 20 мл агуулна.
Бэлдмэлийг 10-20 дуслаар өдөрт 3 удаа хоолны өмнө 30мл усаар даруулж ууна.
Спиртэнд хэт мэдрэг хүмүүс болгоомжтой хэрэглэнэ. Жирэмсэн болон хөхүүл хүмүүс, бага насны хүүхдэд хэрэглэхийг хориглоно.
